இலங்கை மக்களுக்கான மூன்றாவது தடுப்பூசியாக Pfizer வழங்க தீர்மானம்..!

0

நாட்டு மக்களுக்கான மூன்றாவது தடுப்பூசியை வழங்குவதற்காக தடுப்பூசிகள் முற்பதிவு செய்யப்பட்டுள்ளதாக அரச மருந்தாக்கல் கூட்டுத்தாபனம் தெரிவித்துள்ளது.


அதற்காக 14 மில்லியன் பைசர் (Pfizer) தடுப்பூசிகளை முற்பதிவு செய்துள்ளதாக அரச மருந்தாக்கல் கூட்டுத் தாபனத்தின் தலைவர் குறிப்பிட்டுள்ளார்.


அதனடிப்படையில், மூன்றாவது தடுப்பூசியானது எதிர்வரும் ஒக்டோபர் மாத நடுப் பகுதியில் அல்லது நவம்பர் மாத ஆரம்பத்திலிருந்து நாட்டு மக்களுக்கு வழங்கப்படும் என அவர் கூறினார்.


இதேவேளை அமெரிக்க தயாரிப்பான மேலும் 73,000 பைசர் (Pfizer) தடுப்பூசிகள் இன்று (20) நாட்டுக்கு கொண்டு வரப்பட்டன என்பதும் குறிப்பிடத்தக்கது.