மக்களுக்கு மகிழ்ச்சியான செய்தி; கொரோனா நோயாளர்கள் எவரும் இன்று பதிவாகவில்லை..!

0

இன்று மாலை 5 மணி வரை நாட்டில் கொரோனா வைரஸ் நோயாளிகள் எவரும் அடையாளம் காணப்படவில்லை என சுகாதார சேவைகள் பணிப்பாளர் அனில் ஜாசிங்க தெரிவித்துள்ளார்.

அதன் பிரகாரம் கொரோனா வைரஸ் தொற்றுக்குள்ளான 238 பேர் இதுவரை நாட்டில் அடையாளம் காணப்பட்டுள்ளதாக அவர் மேலும் தெரிவித்தார்.


இதேவேளை, 65 பேர் முழுவதுமாக குணமடைந்து வீடு திரும்பியுள்ளனர். 7 பேர் சிகிச்சை பலனின்றி உயிரிழந்துள்ளனர்.

இதேவேளை, தற்போது 166 பேர் வைத்திய சாலைகளில் சிகிச்சை பெற்று வருவதாக தொற்று நோய் விஞ்ஞான பிரிவு தெரிவித்துள்ளது.


கொழும்பு ஐ டி எச் வைத்திய சாலையிலும், வெலிகந்த மற்றும் முல்லேரியா ஆதார வைத்திய சாலைகளில் அவர்கள் சிகிச்சை பெற்று வருகின்றதாக தொற்றுநோய் விஞ்ஞானப் பிரிவு குறிப்பிட்டுள்ளது.


அதேபோல் கொரோனா வைரஸ் தொற்று அறிகுறிகளுடன் 200 க்கும் அதிகமானவர்கள் நாட்டின் பல்வேறு வைத்திய சாலைகளில் மருத்துவ கண்காணிப்பில் உள்ளமை குறிப்பிடத்தக்கது.