கொரோனா தடுப்பு நடவடிக்கையில் ஈடுபட்டுள்ள அரச ஊழியர்களுக்கு விசேட காப்புறுதி..!

0

அரசாங்கம் முன்னெடுத்துள்ள கொரோனா தொற்று தடுப்பு நடவடிக்கையில் ஈடுபட்டுள்ள அரச அதிகாரிகள் மற்றும் ஊழியர்களுக்கு விசேட காப்புறுதித் திட்டத்தை இலங்கை காப்புறுதி கூட்டுத் தாபனம் அறிவித்துள்ளது.


இதற்கமைவாக விரு அபிமன் பெயரில் இந்த இலவச காப்புறுதித் திட்டம் முன்னெடுக்கப் பட்டுள்ளது. இதன் கீழ் 15 இலட்ச ரூபா காப்புறுதி உறுதி செய்யப்பட்டுள்ளது.


கொவிட்-19 நோய் (கொரோனா) தடுப்பு நடவடிக்கையில் ஈடுபடும் அரச ஊழியர்கள் கடமையின் போது உயிரிழப்பவர்களின் குடும்பத்திற்கு 15 லட்சம் ரூபா காப்புறுதி வழங்கப்படவுள்ளது.


இதேவேளை குறித்த பணியில் ஈடுபட்டுள்ள அரச ஊழியர்களுக்கு அக்ரகாரா காப்புறுதி இழப்பீடு இரண்டு மடங்காக அதிகரிக்கப் பட்டுள்ளதுடன் அதற்கு மேலதிகமாகவே குறித்த இழப்பீடும் வழங்கப்படவுள்ளது என்பதும் குறிப்பிடத்தக்கது.