இலங்கையர்களுக்கு ஊரடங்கு தொடர்பான விசேட அறிவித்தல்..!

0

வடக்கு மாகாணம் உட்பட கொழும்பு,கம்பஹா, புத்தளம் ஆகிய மாவட்டங்களில் நாளை (24) நண்பகல் 12.00 மணிக்கு மீண்டும் ஊரடங்கு சட்டம் அமுல்படுத்தப்படுவதுடன், அது 27 வெள்ளிக் கிழமை காலை 6.00 மணி வரை அமுலில் இருக்கும்.


இம் மாவட்டங்களில் 27 நண்பகல் 12.00 மணிக்கு மீண்டும் ஊரடங்கு சட்டம் பிறப்பிக்கப்படும்.

ஏனைய மாவட்டங்களில் இன்று (23) பிற்பகல் 2.00 மணிக்கு ஊரடங்கு சட்டம் மீண்டும் அமுல்படுத்தப்படும். அது 26 வியாழன் காலை 6.00 மணிக்கு நீக்கப்படுவதுடன், அன்றைய தினம் நண்பகல் 12.00 மணிக்கு மீண்டும் பிறப்பிக்கப்படும்.


நாட்டின் அனைத்து மாவட்டங்களுக்கு இடையே பயணங்கள் மேற்கொள்வது முற்றாக தடை செய்யப்பட்டுள்ளது.

அத்துடன் வெளிநாட்டு சுற்றுப் பயணிகளை இடத்திற்கு இடம் அழைத்துச் செல்வதும் முற்றாக தடை செய்யப்பட்டுள்ளது.


ஊரடங்கு சட்டம் அமுலில் இருக்கும் காலப் பகுதியில் சகல மாவட்டத்திலும் விவசாய நடவடிக்கைகளை மேற்கொள்ள அனுமதியளிக்கப்பட்டுள்ளது.

அரிசி உள்ளிட்ட அத்தியாவசிய பொருட்கள் மற்றும் மரக்கறி வகைகளை கொண்டு செல்வதற்கும் இடமளிக்கப்படும் எனவும் தெரிவிக்கப்பட்டுள்ளது.