முஸ்லீம் பயங்கரவாதத்தால் முழுப் பிராந்தியத்திற்கும் அச்சுறுத்தல் – மகிந்த

0

உளவுத்துறை நடவடிக்கைகளை தீவிரப்படுத்துவதன் மூலம் மட்டுமே முஸ்லீம் பயங்கரவாதத்தை அடக்க முடியும் என்று பிரதமர் மகிந்த ராஜபக்ஷ தெரிவித்துள்ளார்.

விடுதலைப் புலிகளுக்கு எதிராக நிலம், கடல் மற்றும் வான் வழி மூலம் போர் நடத்தப்பட்டடிருந்தாலும், உளவுத்துறை நடவடிக்கைகளை தீவிரப்படுத்துவதே சமீபத்திய பயங்கரவாதத்திற்கான முக்கிய தேவை என்று பிரதமர் கூறினார்.

“உயிர்த்த ஞாயிறன்று இடம்பெற்ற தற்கொலை குண்டு வெடிப்பை நடத்திய அனைத்து பயங்கரவாதிகளும் இலங்கையை சேர்ந்த முஸ்லீம்கள்,

இந்த அச்சுறுத்தல் நம் நாட்டுக்கு மட்டும் அச்சுறுத்தல் அல்ல. வலய நாடுகளினதும் பாதுகாப்புக் கருதி முஸ்லீம் பயங்கரவாதம் முற்றாக இல்லாது ஒழிக்கப்பட வேண்டும்.’

பாதுகாப்பு சேவைகள் கட்டளை மற்றும் பணியாளர் கல்லூரியின் பட்டமளிப்பு விழாவில் பிரதமர் மகிந்த ராஜபக்ஷ உரையாற்றும் போதே இவ்வாறு தெரிவித்தார்.

2008 ஆம் ஆண்டு மும்பை மீதான மும்பை தாக்குதலில் இந்தியர்கள் பங்கேற்கவில்லை. இருப்பினும், கடந்த உயிர்த்த ஞாயிறன்று நடாத்தப்பட்ட தற்கொலை குண்டு வெடிப்பை நடத்திய பயங்கரவாதிகள் அனைவரும் இலங்கையைச் சேர்ந்தவர்கள்.

இந்த அச்சுறுத்தல் நம் நாட்டுக்கு மட்டுமல்ல. பிராந்தியத்தில் உள்ள பிற நாடுகளுக்கு ஏற்படும் அச்சுறுத்தலைக் கட்டுப்படுத்த வேண்டும்.

இந்த ஆண்டு இரண்டு சந்தர்ப்பங்களில், முஸ்லீம் பயங்கரவாதிகள் படகு மூலம் இந்தியாவுக்குள் நுழைய முயற்சித்தமை தொடர்பில் வெளியான தகவல்களால் இந்தியா முழுவதும் பாதுகாப்புப் படையினர் உஷார் நிலையில் நிறுத்தப்பட்டனர்.

இந்த அச்சுறுத்தலை நம்மால் கட்டுப்படுத்த முடியாவிட்டால், இந்தியா, மாலத்தீவு, பங்களாதேஷ் மட்டுமல்ல, மியான்மார், தாய்லாந்து, மலேசியா போன்ற பிற நாடுகளும் அச்சுறுத்தலுக்கு உள்ளாகும்.

எனவே, இந்த புதிய பயங்கரவாத அச்சுறுத்தலை தோற்கடிக்க வேண்டும். நம்மைச் சுற்றியுள்ள அனைத்து நாடுகளும் இந்த அபாயத்தை நன்கு அறிந்திருப்பதாகவும், இந்த பயங்கரவாதத்திற்கு எதிராக அவர்கள் ஒத்துழைப்பார்கள் என்று நாங்கள் எதிர்பார்க்கலாம் என்றும் பிரதமர் மகிந்த ராஜபக்ஷ தெரிவித்ததார்.