ஜனாதிபதி கோட்டாவை கொல்ல சதி? முஸ்லீம் உட்பட ஐந்து தமிழர் கைது..!

0

கட்டுநாயக்க பிரதேசத்தில் வைத்து ஜனாதிபதி கோட்டாபய ராஜபக்சவை கொலை செய்ய சதித்திட்டம் தீட்டப்பட்டமை கண்டறியப் பட்டுள்ளதாக தென்னிலங்கை ஊடகம் ஒன்று பரபரப்பு செய்தி ஒன்றை இன்று வெளியிட்டுள்ளது.

அதில், கட்டுநாயக்க பகுதியில் வைத்து ஜனாதிபதி கோட்டாபயவை படுகொலை செய்ய முயற்சித்தார்கள் எனத் தெரிவித்து வன்னி மற்றும் கிழக்கு மாகாணத்தைச் சேர்ந்த முஸ்லிம் ஒருவர் உட்பட ஐவர் கட்டுநாயக்க பொலிஸாரால் கைது செய்யப்பட்டுள்ளதாக குறிப்பிடப்பட்டுள்ளது.

ஜனாதிபதி கோட்டாபய ராஜபக்ச அல்லது அவரின் குடும்பத்தில் எவராவது கொலை செய்யப்பட்டால் பாரிய பணத் தொகையுடன் வெளிநாடுகளில் நிரந்தர வசிப்பிடத்தை பெற்றுக் கொள்ளவும் ஒழுங்குகள் செய்யப்பட்டதாகவும் அந்த ஊடகம் தெரிவித்துள்ளது.

அந்த வகையில் வாழைச்சேனை பிரதேசத்தைச் சேர்ந்த முகமது றிப்கான், கிளிநொச்சி அக்கராயன்குளத்தைச் சேர்ந்த கணேசலிங்கம் மதன், விசுவமடு தர்மபுரத்தைச் சேர்ந்த வேலு கோணேஸ்வரம், விசுவமடு கல்லாறு பிரதேசத்தைச் சேர்ந்த குணரத்னம் நகுலேஸ்வரன், மற்றும் மஸ்கெலியாவைச் சேர்ந்த ஆரியராஜன் கமலராஜா என்பவர்களே இவ்வாறு கைது செய்யப்பட்டுள்ளதாக குறிப்பிடப்பட்டுள்ளது.

சீதுவ ஜயவர்தனபுர அமந்தோலுவ பிரதேசத்தில் ஒருவீட்டில் இவர்கள் தற்காலிகமாக தங்கியிருந்ததாகவும் அந்த செய்தியில் தெரிவிக்கப்பட்டுள்ளது.

அத்துடன் கைதுசெய்யப்பட்ட மதன் எனும் சந்தேகநபருடைய சகோதரிகள் இருவர் முன்னாள் விடுதலைப்புலி உறுப்பினர்கள் எனவும் அவர்களில் ஒருவருக்கு இதுவரை புனர்வாழ்வு அளிக்கப்படவில்லை என்பது விசாரணைகளின் மூலம் தெரிய வந்துள்ளதாகவும் அவ் ஊடகம் கூறியுள்ளது.

கடந்த 28 ஆம் திகதி இந்த சந்தேக நபர்கள் ஐவரும் ஒன்றிணைந்து மதுபானம் அருந்தி இந்த சூழ்ச்சியை தீட்டியுள்ளதாகவும் ,அதில் பிரதான சூத்திரதாரியாக றிப்கான் என்பவர் இனம் காணப்பட்டுள்ளதாகவும் அந்த செய்தியில் குறிப்பிடப்பட்டுள்ளது.

குறித்த நபர் வெளிநாடுகளில் வேலை செய்தவர் என்றும் , அவருக்கு ஹிந்தி மற்றும் பிறமொழிகளில் பரிச்சயமானவர் எனவும் தெரிவிக்கப்படுகிறது.

இதேவேளை குறித்த நபர் முன்னாள் முஸ்லிம் அமைச்சரின் நெருங்கிய தொடர்பும் அவருக்கு இருப்பதும் கண்டறியப்பட்டுள்ள நிலையில், அவர் சிக்கிக் கொண்டால் குறித்த அமைச்சரின் செல்வாக்கின் மூலம் வெளியே வர முடியும் எனவும் அவர் விசாரணையில் தெரிவித்துள்ளதாக குறித்த தென்னிலங்கை பத்திரிகை மேலும் தெரிவித்துள்ளது.

தற்போது முஸ்லீம்கள் மீதான சிங்கள மக்களின் வெறுப்பினை தமிழ் மக்கள் மீது திசை திருப்புவதற்கான முயற்சியில் முஸ்லீம் அடிப்படைவாதிகள் ஈடுபடக் கூடும்

எனவே தமிழ் மக்கள் ஒட்டு மொத்த ஈழத் தமிழரின் நலனைக் கருத்தில் கொண்டு இவ்வாறான எடுபட்டவர்களின் சூழ்ச்சிகளில் சிக்க வேண்டாம் என தமிழ்பொறி உரிமையுடன் கேட்டுக் கொள்கின்றது.